Одлука за избор по јавен оглас 7/2025
Дурловски е роден во Битола, Македонија во 1977 година. Дипломира и магистрира на ФМУ во Скопје со највисоката оцена “Cum Laude”. Дебитира во Македонската опера и балет во 1999 и има учествувано во петнаесетина нови продукции. Неговата интернационална кариера започнува во 2001во „Wiener Kammeroper“ како „Nonacour“t во „Il cappello di Paglia di Firenze“, а следуваат улогите на „Pluto“ во „Ballo delle Ingrate“ и „Plutone“ во „Euridice“. Во сезоните 2009/2011 настапува во „Staatstheater Kassel“ во Германија каде остварува десет нови продукции. Во 2013 дебитира во „Oper Leipzig“ како „Groma/FeenKönig“ во вагнеровата опера „Die Feen“ а истата година е изведувана и на еден од најголемите светски фестивали во Бајројт. Во 2014 дебитира во „Landestheater Linz“ во Австрија со улогата на Зарастро а следната година во „Staatstheater Stuttgart“ со „Aniceto“ во операта „Berenike“. 2016 настап со улогата на „Timur“ во “Turandot” во Макао -Кина а следната година со „Aida“ во операта во Хонг Конг. Настапувал со белградска, софиска, македонска и московска филхармонија во дваесетина држави на повеќе континенти.
Владимир Саздовски дипломирал на музичката академија „Панчо Владигеров“ во Софија, во класата на доц. Нико Исаков, а потоа остварува двегодишна специјализација во Виена на Државниот универзитет за музика и уметност како стипендист на CEE Musiktheater.
Магистрирал во класата на маестро Борис Трајанов. Во 2006 година дебитирал во Македонската опера и балет во операта „Волшебната флејта“ како Свештеник, Говорник и Втор маж во оклоп, а истата година ја пеел и улогата на Фараонот во операта „Аида“ за отворањето на 34 „Мајски оперски вечери“.
Во Schlosstheater во Виена дебитирал во операта „Дон Џовани“ во улогата на Комендаторе.
Неговиот репертоар, меѓу останатите, ги вклучува улогтите:
Али во операта „Италијанка од Алжир“;
Спарафучил во „Риголето“;
Зарастро, Свештеник, Човек во оклоп и Говорник во „Волшебната флејта“;
Дулкамара во „Љубовен напиток“;
Рамфис и Фараон во „Аида“;
Падре Гуардиано во „Моќта на судбината“;
Тимур во „Турандот“;
Лепорело и Командаторe во „Дон Џовани“;
Мефисто во „Фауст“;
Лутер и Креспел во „ Хофманови Приказни“;
Рајмондо во „Лучија ди Ламермур“;
Јакопо Фиеско во „Симон Боканегра“;
Банко во „Макбет“,
Ферандо во „Трубадур“;
Принц Гремин во „Евгениј Онегин“;
Колин во „Боеми“;
Дон Базилио во „Севилскиот берберин“;
Оровезо во „Норма“;
Труфалдино во „Ариадне од Наксос“;
Самуел во „Бал со маски“;
Алфонсо во „Така прават сите“;
Осте и Серџенте во „Манон Леско“;
Во Во 2011 година гостува во националната опера на Тирана во операта „Волшебната флејта“, а во 2012 гостува во операта „Љубовен напиток“, исто во Тирана. Истата година (2012) настапува во улогата на Спарафучил во „Риголето“ во Њигата и има концерт во Токио.
Настапува во мултимедијалниот проект „Ромео и Јулија“ за отварањето на Охридско лето и како солист во изведба на Вердиевиот „Реквием“ на Летните игри во Дубровник. Надвор од матичната сцена во МОБ настапува во Џакарта, на концерт посветен на 20 години билатерални односи помеѓу Македонија и Индонезија, во Софија со Софиската филхармонија по повод 85 годишнината од постоењето на оркестарот, а на покана на бароницата Фон Гутенберг која е воедно и диригент, учествува во изведба на Деветтата симфонија на Бетовен во Германија како и во операта „Травијата“ во улогата на Барон Дуфол во Минхен и во Софија (Бугарија).
Од 2017 започнува соработка со агентот Марио Дради. 2017 настапува во улогата на Лепорело во операта „Дон Џовани“ со театарот Сан Карло од Наполи во Опера Дубаи по што следат настапите во Сасари (Сардинија) во „Турандот“. Во Театро Верди – Трст и во
Театро Нуово Џовани – Удине во улогата на Принц Гремин во операта Евгениј „Онегин“.
Дебитира во улогата на Ферандо во операта Трубадур во Театро Верди во Трст. Дебитира во Тратарот Сан Карло – Наполи во операта Лејди Макбет од областа Мценска во улогите на Факторот и Полицаец.
На отворањето на Мајските оперски вечери во 2018 дебитира во улогата на Колин во операта Боеми, а истата година на Охридско лето настапува во Радомирови псалми од Димитрије Бужаровски. Во театарот Сан Карло во Наполи настапува во операта Боеми во улогата на Колин. Настапува во Teatro Regio Torino во операта Дон Кеко во улогата на Роберто.
Во 2022 настапува во Аурора Малта-Гозо во операта Аида во улогата на Рамфис.Во Teatro Comunale di Bologna во настапува во операта Ариадне од Наксос во улогата на Труфалдино и во операта Норма во улогата на Оровезео. Во Хонг Конг The Grand Theatreнастапува во операта Боеми во улогата на Колин. Во белградско народно позориште настапува во операта Севилскиот берберин во улогата на Базилио.Во Teatro Verdi di Trieste настапува во операта Ариадне од Наксосво улогата на Труфалдино. Настапува на отварањето на летната сезноа наTeatro dell’opera di Roma (Caracalla) во операта Тоска во улогата на Анџелоти. Следни настапиму се во операта Боеми во улогата на Колин во Македонската опера и балет и во Teatro Regio di Torino во операта Пикова дама во улогата на Сурин.
Роден е во 1976 година во Прилеп, Република Македонија, каде што го завршил основното образование и нижата музичка школа, со инструмент пијано под водство на нас. Миле Стојкоски.
Од 1991 до 1995 година го посетувал среднато музичко училиште во Битола со инструмент виолончело кај професорот Панде Тунтевски, а талентот за соло пеење го открил професорот Пеце Митревски.
Од 1998 до 2002 година студирал на Националната музичка академија „Панчо Владигеров“ во Софија, отсек Соло пеење кај Проф.Иванка Нинова. Како одличен студент настапува на многу концерти и музичко сценски дела како во Академијата така и надвор од неа.
Во 2002 година дебитирал во „ Македонска Опера и Балет“ во улогата на Мазето во операта „Дон Џовани“ на Моцарт, а потоа и во „Лидија од Македонија” на Ристо Аврамовски, во улогите на Цезар и Ангел.
Од 2002 до 2004 година живеел и работел во Виена, Австрија, настапувајќи како хорист на познатиот фестивал „Кланг Боген“ во најстариот Виенски театар „Андервин“.
Во 2006 година специјализирал соло пеење кај еден од најпознатите бугарски басови, Маестро Никола Гјузелев, кадешто го усовршил максимално вокалното мајсторството на оперското пеење.
Во 2016 година магистрирал на Националната музичка академија во Софија, кај проф. Илка Попова.
Од 2007 година е главен солист на Државната опера Бургас, Бугарија, каде што ја започнал својата солистичка кариера. Во краток временски период совладува многубројни главни баритонски улоги.
Од 2008-2010г одржува турнеја низ Америка: Балтимор,Вашингтон,Дејтона ,Нејпалс,Лос Анџелес, Нју Џерси, Нју Јорк, Лас Вегас, Бостон, Тампа, Атланта , Ричмонт, Вичита итн, каде што ги толкува главните улоги: Марчело, Амонасро, Тонио , Алфио, Ескамило во оперите „Боеми” – Џ.Пучини, „Аида” – Џ.Верди, „Кавалерија Рустикана” -П.Маскањи, „Паљачи” – Р.Леонкавало, „Кармен” – Ж.Бизе.
Во 2008г учествувал на натпреварот за млади оперски пеачи „Масимо Белли” во Градот Сполето, Италија, каде што добива награда за Вердиев баритон (Baritono Vero)
Од 2009-2012 бил редовен гостин во операта Марибор, Р.Словенија, каде што дебитирал во главните улоги на Принц Елетски „Пикова Дама” – П.И.Чајковски, Дон Калос од Варгас „Моќта на Судбината” – Џ.Верди , Скарпија „Тоска” – Џ.Пучини и многубројни концерти .
Во 2010г учествувал на натпреварот за млади оперски пеачи „Гена Димитрова” во Плевен Р.Бугарија каде што освоил втора награда.
Истата година гостувал на фестивалот „Крижанке” во Љубљана каде што настапувал со една од најдобрите Мецосопрани на сите времиња Елена Обрасцова ,исполнуваќи ја улогата на Принц Елетски во „Пикова Дама” од П.И.Чајковски.
Во 2010 година дебитирал во улогата на Набуко во истоимената опера на Џ. Верди, настапувајќи на отворени сцени во Штудгарт, Ханау, Штатлон, Баден Баден каде што паралелно пеел многубројни концерти и ја играл главната улога на Амонасто во „Аида” од Џ.Верди.
Во 2013 година гостувал во Националната опера во Сараево, толкувајќи ја главната улога на Жорж Жермон во „Травијата” од Џ.Верди.
Од 2014 г. се вработува како солист-првнец во „Македонска Опера и Балет” каде што сериозно го презема баритонскиот репертоар и успешно се презентира пред македонската публика.Зема учевство во редовниот оперски репертоар, претставите и премиерите што се изведуваат на фестивалот „Мајски Оперски Вечери”.
Во 2017г гостувал во Астана Опера, Казакстан, толкуваќи ја главната улога на Барон Скарпија во операта „Тоска” од Пучини, каде што режијата е на најголемиот режисер на сите времиња Франко Зиферели.
Во 2022г гостувал во Народно Позориште Београд и настапувал во главната улога на Марчело во „Боеми” од Џ.Пучини, во рамките на иницијативата Отворен Балкан.
Од 2007 до денес, учествувал на многу оперски фестивали како што се:
„Мајски Оперски Вечери“ – Скопје, Македонија;
„Крижанке“ – Љубљана ,Словенија;
„Емил Чакаров“ – Бургас, Бугарија;
„Моцартови празници“ – Правец, Бугарија;
„Антички театар Пловдив“ – Бугарија;
„ Сцена на вековите Царевец „ во Велико Трново, Бугарија;
„Варненско лето“ во Варна, Бугарија;
Опера Стара Загора, Операта во Русе, многукратно гостува во Национална Софиска Опера во Р.Бугарија, Националната Опера во Сараево, БИХ и Народно Позориште Београд, Србија.
Во 2024 г. гостуваше во Национална Софиска Опера каде што ја толкуваше главната улога на Набуко во операта „Набуко“ од Џ.Верди, каде што извојува голем триумф и на високо ниво ја претстави својата оперска куќа и државата.
Оперските критичари за него пишуваат критики опишуваќи го комлетно неговото гласово и техничко владеење, прецизност , умешност, експресивна интерпретација и креативна визија.Многу од италјанските и словенските критичари неговиот длабок и моќен глас го споредуваа со старите италјански баритони од минатото поколение. Музичката критика во Р.Бугарија за неговиот настап во насловната улогата на вавилонскиот крал Набуко во истоименатата опера од Џ.Верди пишува
„Марјан Јованоски во улогата на Набуко направи незаборавен спектакал. Со својот длабок и моќен глас ,тој успеа да ја предаде бурата од чувства на ликот, додека преминуваше преку сложениот, емоционален и морален конфликт. Јованоски демонстрираше не само техничко совршенство, но и сериозно сценско присуство, со кое ја потцртуваше неговата способност да му внесе реалност и човечност на легендарниот вавилонски крал. Тоа беше еден редок момент, кога вокалната моќ и актерското мајсторство се сливаат во полна хармонија“.
Неговиот репертоар ги вклучува улогите:
– Набуко во „Набуко“
– Риголето во „Риголето“
– Симон Боканегра во „Симон Боцанегра“
– Дон Карлос од Варгас во „Моќ на Судбината“;
– Гроф Луна во „Трубадур“;
– Маркиз Поза во „Дон Карлос“;
– Ренато во „Бал под Маски“;
– Ецио во „Атила“;
– Жорж Жермон во „Травијата“;
– Амонасро во „Аида“;
– Скарпија во „Тоска“;
– Марчело во “Боеми“;
– Шарплес во „Мадам Батерфлај“;
– Тонио во „Паљачи“;
– Алфио во „Кавалерија Рустикана“;
– Ескамило во „Кармен“;
– Мишонет во „Адријана Лекуврер“;
– Фигаро во „Севилски Бербер“;
– Енрико во „Лучија од Ламермур“;
Соработката со реномирани режисери и диригенти, како и солисти со меѓународна репутација, дополнително ја потврдува неговата извонредна уметничка кариера.
Ристе Велков е еден од водечките македонски баритони и еден од најхаризматичните оперски солисти. Роден е во 1975 г. во Скопје, Република Македонија. Како реномиран солист–ПРВЕНЕЦ на Македонската Опера и Балет,тој претежно настапува во Bellcanto продукции, со што го заслужува и оправдува епитетот- италијански баритон со кадифена боја.
Средно музичко училиште Завршува во Илија Николовски – Луј во Скопје,во 1994 година,во класата на проф. Марија Николовска, смер: соло-пеење. Дипломира на Факултетот за музичка уметност при Универзитетот Св. Кирил и Методиј во Скопје,во 1999 година во класата на м-р проф. Милка Ефтимова, смер: соло-пеење. Магистрира со највисока оцена Cum Laude во 2011 година на истиот факултет ФМУ, во класата на м-р проф. Билјана Јовановска Јакимовска, смер: соло-пеење. Во периодот 1995-2000 година,основите на оперското пеење ги стекнува и изучува кај македонскиот тенор Гога Трајанов.Се надоградува кај драмскиот тенор Стојан Стојанов Ганчев од Загреб,кај познатаите италијанските вокални педагози Антонио Бојер и Мирела Паруто, и кај светски познатиот романски баритон Николај Херлеа.Од 2001 до 2017 година,специјализира на усовршување на вокалната техника, и изработува поголем број на водечки баритонски улоги во приватното оперско студио на легендарниот и почитуван мајстор во светски рамки,бугарскиот баритон Стојан Попов од Софија.
Во 1996 година како студент,дебитира во драмската претстава “Амадеус”, на сцената на Драмски Театар-Скопје.Во 1998 година Велков како студент дебитирал на 26-те Мајски Оперски Вечери на сцената на Македонскиот Народен Театар во Скопје,со улогата на Маруло во Риголето. Во 2009 година дебитирал на матичната сцена во Македонската Опера и Балет во Скопје со водечката улога на Набуко во Набуко.Во 2016 година настапува во продукцијата на Tokyo Opera , со улогата на Џ.Жермон во Травијата, во Performing Arts Center Ryutopia во Ниигата,Јапонија.
Во 2017 година настапува со солистички рецитал во Музеј куќата за музика-Борис Христов во Софија, Бугарија.
Велков успешено гостува во Јапонија, Србија, Романија, Турција, Бугарија, а настапува скоро на сите истакнати домашни фестивали, манифестации и настани: Охридско лето, Скопско лето,Штипско лето,Есенски Музички свечености,Мајски Оперски Вечери-Скопје, Интерфест– Битола итн.
Во текот на неговата кариера, Велков има реализирано 26 улоги.Во неговиот репертоар има остварено повеќе од 15 водечки улоги :
G.VERDI:
Nabucco – “Nabucco”
Rigoletto – “Rigoletto”
Macbeth – “Macbeth”
The Count Luna – “Il Travatore”
Germont – “La Traviata”
Don Carlo di Vargas – “La Forza del Destino”
Amonasro – “Aida”
Ezio – “Attila”
DONIZETTI: Enrico – “Lucia di Lammermoor”; Belcore – “L’Elisir d’Amore”
BIZET: Escamillo – “Carmen”
C.GOUNOD: Valentin – “Faust”
PUCCINI: Shaunard –“La Boheme”
MASCAGNI: Alfio – Cavalleria Rusticana
LEONCAVALLO: Silvio – “Pagliacci”
HUMPERDINCK: The Father Petar- “Hansel and Gretel”
GLINKA: Sigizmund King of Poland- “Ivan Susanin”
KIRIL MAKEDONSKI: Ognen- „Tsar Samuil“ ; Vangel- „Ilinden“
Зоран Сотиров, оперски солист, е роден во 1970 година во Скопје. Дипломирал на Факултетот за музичка уметност во Скопје, на Универзитетот Св. Кирил и Методиј, во класата на професор Благоја Николовски. Своето образование го продолжил во Белград, Србија, во класата на професорката Бисерка Цвејиќ, и во Загреб, Хрватска, со професорот Стојан Стојанов Ганчев.
Сотиров дебитирал во 1999 година во улогата на Родолфо во „Боеми“ на „Мајските оперски вечери“.
Неговиот богат репертоар вклучува многу значајни оперски улоги, како што се:
– Едгардо во „Лучија од Ламермур“;
– Каварадоси во „Тоска“;
– Туриду во „Кавалерија Рустикана”;
– Дон Хозе во „Кармен“;
– Алфред Жермон во „Травијата“;
– Исмаил во „Набуко“;
– Пинкертон во „Мадам Батерфлај“;
– Војводата од Мантова во „Риголето“;
– Радамес во „Аида“;
– Алваро во „Моќта на судбината“;
– Фауст во „Фауст“;
Покрај улогите во оперите при Националната Опера и Балет, Зоран Сотиров редовно настапува на гала оперски концерти, каде што ја освојува публиката со својата интерпретација и вокални способности.
Изминатите години бележи огромни успеси во Миланска Скала, Њујорк, Токио, Париз, Парма, Бангкок, Макао, Неапол, Валенсија, како и на светската премиера на операта „Страв“ каде ја толкува главната улога во Новара, Италија.
Кариерата на Нацоски започнува во 2003 со настапот на сцената на Римската Опера, како прв Македонец што воопшто настапил во оваа престижна оперска куќа. Од таму неговата кариера рапидно се шири низ целиот свет, настапувајќи во најпрестижните театри низ целиот свет како „Сан Карло“ во Неапол, „Реџо“ во Парма, Операта во Каљари, „Верди“ во Трст, „Карло Феличе“ во Џенова, оперите во Сасари, Цирих, Минхен, Франкфурт, Штутгарт, Брисел, Торонто, Сиетл, Прага, Лимож, Гран Театарот во Екс Ан Прованс, Театарот Бунка Каикан во Токио, Сантори Хол во Токио, Рјутопиа Центарот во Ниигата, Национална Опера во Варшава, Градскиот Театар во Клагенфурт, Националната Моравска Опера во Острава, како и Фестивалите во Салцбург, Мишколц и Халвил, пеејќи ги главните тенорски роли во оперите „Дон Џовани“, „Така прават сите“, „Волшебната флејта“, „Грабнување од Сарајот“, „Сонот на Скипион“ од Моцарт, „Севилскиот бербер“, “Италијанка во Алжир“, „Турчин во Италија“ од Росини, „Дон Пасквале“ од Доницети, „Месечарка“ од Белини, „Свртување на штрафот“ и „Сонот на летната ноќ“ од Бритн, Вердиевите „Отело“ и „Фалстаф“, „Ромео и Јулија“ од Гуно, „Славеј“ од Стравински и „Аријадна на Наксос“ од Р. Штраус.
Нацоски има снимено неколку ДВД, и тоа „Сонот на Скипион“ за Дојче Грамофон и „Аријадна на Наксос“ за ТДК и ЦД на „Лучија од Ламермур“ за Динамик, „Ромео и Јулија“ заедно со Андреа Бочели за ДЕКА, “Зенобија во Палмира“ за Бонџовани и Те Деум од Флавио Колусо за МР Класикс. На 27 јануари излезе и ДВД и Блу-Реј од претставата „Турандот“ од Миланска Скала повторно за ДЕККА.
Во 2008 е прогласен за „Амбасадор на македонската култура во Италија“, а во 2016 година доби и признание „Човек на годината“ од весникот Нова Македонија.
Благој освен оперската музика ја негува и концертната дејност. Во текот на месец февруари 2018 го изведе циклусот „Зимско патување“ од Франц Шуберт со голем успех а го репризираше во Рим и Александрија, а неодамна ги изведе Љубовните валцери од Шуман и Брамс на Велигденскиот фестивал во Монтепулчано. Во 2018 дебитираше во Грузија и во Русија, каде беше награден за „мајсторската изведба“ на улогата Алмавива во Росиниевиот „Севилски бербер“. Неговата преполна агенда во следните две години предвидува настапи во Јапонија, Бари, Трст, Палермо, Тенерифе итн.
Роден во Скопје во 1982 година.
– Дипломира на Факултетот за Музичка уметност во Скопје во класата на проф.Билјана Јовановска со највисока оценка 10 Cum Laude.
– Во 2006 година му е доделена стипендија од страната на CEE Music Teather од Виена, Австрија каде тоj специјализира оперско пеење кај професор Оливера Миљаковиќ .
-Во 2019 година завршува мастер студии по оперско пеење кај Маестро Борис Трајанов на Универзитетот „Гоце Делчев“ во Штип, Македонија.
Од 2007 година, Цуцковски е солист првенец во Македонската опера и балет и професор на факултетот за Аудио Визуелна Уметност – ЕСРА.
Во периодот од 2010 до 2014 година бил претседател на управниот одбор на Националната Опера и Балет како и уметнички директор на истата во периодот од 2014-2018.
Цуцковски е селектор на музичката програма на фестивалот ,,Охридско Лето“ во 2018 година. Во 2023 година е добитник на престижната награда ,,13 Ноември“ за афирмација на оперската уметност во државата и во странство.
Музичката критика во Македонија особено го поздравува неговиот ангажиран сценски влог и „движења кои ги претставуваат емоционалните промени кои ги следат карактерите“.
Неговото прво интернационално гостување е во 2006 година во Teatro Comunalle Cosenza – Италија во улогата на Моностатос во Моцартовата ,,Волшебната флејта“. Учествувал на концерти во Хамбург и Берлин по повод Денови на македонската култура во Германија во 2006 година, како и во Швајцарија, Австрија (Виенска Филхармонија–Musikverein, на хуманитарен концерт за децата во Етиопија 2007 година, јубилеен концерт на КМС Оливера Миљаковиќ 2009 година, Албанија, Србија, Босна и Херцеговина, Русија, Португалија, Германија (концертна турнеја во Франкфурт), Италија (Концерт во Медеа за „Мир во Светот“, 2009 година). Аспендос, Турција (со улогата на Војводата од Мантова во „Риголето“ во 2010 година). Во декември 2010 настапува во улогата на Алфред (Травијата) во Операта во Осака, Јапонија. Како Лебедот во „Кармина Бурана“ во Безие, Франција. Во 2012 година Цуцковски настапуваше на концерт со Сливенска Филхармонија, Бугарија. Во 2013 со улогата на Војводата од Мантова во „Риголето“ настапи во Националниот Театар во Белград, Србија и во Аспендос, Турција. 2013 имаше гостување на МОБ со гала оперски концерт во Џакарта, Индонезија од кој Цуцковски е дел. Во април 2014 година Цуцковски настапи во Бугарија со Софиската Филхармонија, пееше Моцартов „Реквием“ и во јули 2014 година беше дел од два гала концерти со Дубровничката Филхармонија во Дубровник, Хрватска, a во Ноември настапи во Токио, Јапонија изведувајки ја ,,9 симфонија’’ од Л.В.Бетовен. Во 2015 година настапува во ,,Teatro Politeama Greco“ – Лече, Италија и ,,Teatro Verdi“ – Бриндизи, Италија во 8 престави како Исмаил во ,,Набуко“ и Пинкертон во ,,Мадам Батерфлај“. Во септември 2015 настапува на голем Гала концерт на ,,Belini festival“ во Античкиот Театар Таормина-Сицилија. Истиот месец зема учество на голем Гала концерт ,,Corean National Art Center“ во Сеул, Кореа. Како Маурицио во ,,Адријана Лекуврер“ во 2015 година настапува во Националната опера во Софија и Националната Опера во Варна. 2016 има соло рецитал во Њујорк, САД. 2017 одржува солистички рецитал со престижната Шангајска Филхармонија, Шангај, Кина. Истата 2017 е добитник на златен медал на музички фестивал во Хи-Ан, Кина. Во 2018 одржува солистички рецитал во Авалино, Италија, потоа следува продукција на ,,Набуко“ во Teatro Coccia во Новара, Италија, Моцарт Реквием во Белано – Лаго ди Комо Италија.
Цуцковски настапува во улогата на Пинкертон во ,,Мадам Батерфлај“ на престижниот Пучиниев фестивал во Торе ди Лаго, Италија. Во 2019 Цуцковски одржува концерт со познатиот сопран Инва Мула во рамките на фестивалот Охридско Лето како и гала концерт со Истанбулскиот симфониски оркестар во Истанбул, Турција, истата година. 2022 година гостува во Македонската Филхармонија исполнувајки го Праиснеровиот Реквиеам, а подоцна истата година гостува на гала оперски концерт во Националниот Театар во Нови Сад, Србија.
Во март 2024 година зема учество на голем Пучиниев гала концерт во познатата сала ,,Коларчева задужбина“ во Белград – Србија, а во април истата година настапува како солист во Моцартовиот реквием во Гросето – Италија.
Цуцковски настапувал во: Србија, Босна и Херцеговина, Бугарија, Русија, Португалија, Германија, Австрија, Швајцарија, Италија, Албанија, Индонезија, Јапонија, Хрватска, Кореа, САД.
На неговиот репертоар во Македонската Опера и Балет се улогите: Радамес (Аида), Војводата од Мантова(Риголето), Рикардо (Бал под маски), Алфред (Травијата) Форесто (Атила), Габриел Адорно (Симоне Боканегра), Родолфо(Боеми), Калаф(Турандот), Луиџи (Плаштот), Дон Хозе (Кармен), Канио (Паљачи), Туриду (Кавалерија Рустикана), Едгардо (Лучија од Ламермур), Неморино (Љубовен напиток), Тамино (Волшебната флејта), Питер Квинт (Свртувањето на Шрафот) Џуџето во истоимената опера, Ајзенштајн (Лилјакот), Камијде Росион (Веселата Вдовица), Едвин (Војвоката на чардашот), Лебед (Кармина Бурана), Уриел (Ораториум), Тимотеј (Лидија од Македонија), Полионе (Норма)…
Цуцковски настапувал со еминентни странски диригенти како Џанлука Мартиненги, Валерио Гали…а од големите имиња со кој ја делел сцената е Даниела Деси, Џована Казола и Цветалина Василева.
Николина Јаневска (мецосопран) е родена во 1989 година во Скопје, Македонија. Музичката наобразба ја започнува на 7 годишна возраст во нижото музичко училиште, отсек виолина. Средно училиште завршува во ДМБУЦ „Илија Николовски – Луј“ во Скопје, отсек соло пеење. Дипломира на Факултетот за музичка уметност во Скопје, на вокално – инструменталниот оддел – отсек соло пеење.
За време на своето музичко образование, освојува многубројни државни и интернационални награди по пеење. Во 2012 година дебитира во МОБ, каде е вработена како солист. Зад себе веќе има многубројни улоги како: Кармен, Дорабела, Церлина, Фенена, Олга, Никлаус, Мадалена, Лола и многу други. Во 2013 година игра во првиот македонски мјузикл „Пенелопе Х“ во улогата на Калипсо. 2017 година дебитира во Њујорк, одржувајќи целовечерен концерт со делото „Бог и јас“ – циклус соло песни за мецосопран, виолина, пијано и гитара. Истата година дебитира во Кина изведувајќи три различни улоги во Grand Theatre of Tianjin, Grand Theatre of Harbin, како дел од врвни продукции меѓукои и славната „Травијата“ на Франко Sефирели. Настапи и во театрите на Ксиамен и Хаикоу, изведувајќи ја насловната улога на Кармен во концертна верзија.
Своето италијанско деби го остварува во 2018 година во престижниот театар „Fondazione lirico sinfonica Petruzzelli“ во Бари, во улогата на Мадалена во Риголето. Истата година настапува како солист во Моцартовиот „Реквием“ во придружба на оркестарот на Македонската Филхармонија. Во 2018 година ја посетува Академијата за усовршување на оперското пеење во Новара каде беше избрана да ја пее главната улога на Цита во Џани Скики на премиерата во Teatro Coccia. Во склоп на фестивалот „Luglio Musicale Trapanese“ во Трапани, во 2019 година дебитира во главната улога на Дидо во операта „Дидо и Аенеас“, изведба која доби многу позитивни критики.
Во 2021 дебитира во главанта улога на Кармен во истоимената опера прво во концертна верзија, па подоцна истата година и во оперско сценска верзија во својата матична куќа.
2022ра се враќа во „Fondazione lirico sinfonica Petruzzelli“ во Бари како свештеничката во Аида под диригентската палка на Маестро Ренато Палумбо, за која добива бројни позитивни критики, истата година го остварува своето деби во Германија како дел од фестивалот “Maifestspiele” во театаротl’Hessisches Staatstheater во Wiesbaden. Во Мај истата година е дел од отварањето на Мајските Оперски вечери во “Норма” со улогата на Адалџиза.
Во 2024та ја дебитира улогата на Сантуца од “Кавалерија Рустикана” во Teatro Coccia di Novara, во истата година дебитира во Бугарија во Националната опера и балет во Софија во улогата на Фенена од операта “Набуко”.
Во 2025та дебитира во улогата на Емилија во Отело во Teatro Coccia di Novara за којашто добива бројни позитивни критики од музиколозите во Италија. Подоцна истата година го остварува своето деби во улогата на Мег од Фалстаф во Teatro Goldoni во Ливорно
Меѓу следните обврски следи нејзиното деби во Teatro Lirico di Cagliari.
Соња Пендовска Мадевска го завршила основното музичко образование во УОМО “Илија Николовски Луј-Скопје” отсек соло пеење-вокално инструментален отсек во класата на проф. Марија Николовска, а дипломирала на Факултетот за Музичка уметност во Скопје, отсек соло пеење, во класата на проф. Билјана Јовановска- Јакимовска.
За време на студиите учествувала и била една од главните улоги во првата македонска комична опера „Деспина и мистер Докс“ на композиторот Димитрија Бужаровски, со која што и настапила во Виенската камерна Опера со истата улога.
Во 2005 година се запишала на постдипломски студии на Факултетот за музичка уметност во Скопје. Во 2007 година е вработена во Националната опера и балет како хорист, а на сцената изведува и помали солистички улоги, како мајката во „Лидија од Македонија“, трето дете во „Волшебната флејта”, Мара во „Змејова невеста”.
Зема учество во мултимедијалниот проект „Воајер” дело на режисерот и писателот Златко Славенски, како и во мјузиклот „Пенелопе X“ од композиторот Никола Коџобашија, каде ја толкува една од клавните улоги, Кирка.
Истакнати улоги:
– Mама Лучија во „Кавалерија Рустикана”;
– Њања во „Евгениј Онегин”;
– Мајка во „Лидија од Македонија”;
– Фенена во „Набуко”;
– Клотилда во „Норма”;
– Мерцедес во „Кармен”;
– Алиса „Лучија од Ламермур”;
– Берта во „Севилскиот Берберин”;
– Кејт Пинкертон во „Мадам Батерфлај“
– Мадалена во „Риголето“ – активно учество во подготовките за премиерата на Риголето за 53 Мајски оперски вечери, 2025
Соња Пендовска Мадевска била дел од многубројни концерти со Националната опера и балет, како и одржано солистички настапи низ целата земја, меѓу кои се истакнуваат:
– Солистички концерт при Национална Опера и Балет ,,Вечер под ѕвездено небо” (2021);
– Концерт ,,Звуците на тангото преку песната” во Центар за култура ,,Трајко Прокопиев”, Куманово (2021);
– Концерт во Прилеп во Културниот Дом ,,Марко Цепенков” (2022);
– Концерт по повод Василица (2023);
– Гостува во Белград во ,,Народно Позориште” со улогата Берта во ,,Севилскиот Берберин”;
– Гала оперски концерт во рамките на фестивалот Скопско лето (2023);
– Гала оперски концерт во театарот ,,Џинот Велес”, Велес (2023);
– Гала оперски концерт во Битола (2023);
– Гала оперски концерт во Прилеп (2023);
За Злата Тошевска Димовска, музичката критика вели:
„Тошевска има топол спинтов глас кој ве води назад во златната ера на оперското пеење, поткрепен со неверојатна музикалност и сценичност“.
Дипломирала со CUM LAUDE на Факултетот за музичка уметност во Скопје, во класата на првенката на МОБ, м-р Славица Петровска Галиќ.
Во 2017 година магистрирала на отсекот по оперско пеење и вокална педагогија на Академијата за музичка, танцова и ликовна уметност во Пловдив, Бугарија, во класата на м-р Лилија Илиева.
Својот талент, техника на пеење и актерска игра ги усовршувала на повеќе од 15 мастер класи и летни академии во Македонија, Италија, САД, Австрија, Црна Гора, Бугарија и Косово. Соработувала со бројни светски познати оперски уметници и професори, меѓу кои се Џералд Мартин Мур, Ерик Мариор, Дејвид Оствалд, Ален Фишер, Анамарија Попеску (Канада) и светски познатиот сопран Барбара Фритоли, со која ја подготвувала улогата на Лиу од операта „Турандот“ на Пучини.
Исто така работела со вокалните педагози Мајкл Пол (вокален педагог на „Метрополитен“) и Дејл Фандлинг (вокален педагог на Елина Гаранча),
како и со диригентот Бруно Николи од миланската „Ла Скала“.
Во 2023 година соработувала со вокалниот педагог Михаило Арсенски, диригентот Даниеле Аџиман и вокалниот тренер Раминта Лампсатис, со кои ги подготвувала улогите на Абигаиле од „Набуко“ на Верди и Мими од „Боеми“ на Пучини. Злата Тошевска Димовска редовно настапува на еминентни гала оперски концерти и значајни фестивали на класичната музика, соработувајќи со истакнати диригенти како Саша Николовски Ѓумар, Бисера Чадловска, Иван Еминовиќ, Борјан Цанев, Џанлука Мартиненги, Бруно Николи, Крис Росман, Енрико Довико и др.
Таа е солист на Националната опера и балет, каде што остварила бројни оперски улоги, меѓу кои:
– Абигаиле во „Набуко“;
– Лиу во „Турандот“;
– Микаела во „Кармен“;
– Дона Елвира во „Дон Џовани“;
– Берта во „Севилскиот Бербер“;
– Луси во „Телефон“;
Во 2023 година дебитирала во улогата на Абигаиле во „Набуко“ на отворањето на Мајските оперски вечери, а во септември, истата година, повторно настапила во истата улога во Софиската национална опера и балет и на отворањето на сезоната 2024/2025 во Македонската опера и балет.
Нејзините настапи наидоа на одлични критики од италијанските и бугарските критичари, кои ја опишаа како „сопран со извонредна издржливост, брилијантен опсег и емотивен израз.“
Тошевска Димовска, исто така, одржала бројни солистички концерти во Македонија и странство, меѓу кои се издвојуваат:
– Солистички концерт во ноември 2021 година во Њујорк, САД, во McGallery;
– Солистички концерт во јуни 2022 годинаво културниот центар „Сулејман Себа“ во Истанбул, Турција;
– Солистички концерт во февруари 2018 година на фестивалот „Сцена, палета, збор“ во Пловдив, Бугарија;
Биљана Јосифов (сопран) е родена во Крушево во 1989 година. Средното образование го завршува во Битола, во класата на Пеце Митрески и Магдалена Наумоска, на отсекот по соло пеење, а дипломира и магистрира во Скопје на Факултетот за музичка уметност, во класата на Славица Галиќ Петровска, со највисоки оценки.
На сцената на Националната опера и балет настапува од 2008 година, а првата солистичка улога ја добива на 18 годишна возраст.
Биљана постојано се усовршува и работи со светски професори и оперски пејачи, меѓу кои: Лизет Оропеза (Америка), Каролин Мерц (Германија), Руди Парк (Италија/Кореа), Џема Бертањоли (Италија), Цуцковски Ѓорѓи (Македонија), Михајло Арсенски (Германија), Ана Дурловски (Македонија), Раминта Лампсатис (Литванија/Германија), Дарина Такова (Бугарија), a во текот на образованието освојува и престижни награди и достигнувања, на повеќе натпревари.
Природната вокална даровитост и музикалност на Биљана е поткрепена со високо професионално и сценско претставување, со допринос на сопствената креација и одличен контакт со публиката, a на сцена ги изведува следните улоги: Антонија во операта „Хофманови приказни“, Фиордилиџи во Моцартовата опера „Така прават сите”, Виолета во „Травијата“, Недда во операта „Палјачи”, Розина во „Севилскиот Берберин”, Бастиена од операта „Бастиен и Бастиена”, Кристин од „Фантомот од операта”, Музета во „Боеми”, Јованче во детската опера „Јованче и Марика”, Втора дама во Моцартовата „Волшебна Флејта”, Жувено во операта „Адриана Лекуврер”, Чепрано во „Риголето”, итн…
Во меѓувреме ги поставува на сцената на МОБ и улогите: Донна Анна од „Дон Џованни”, Рада „Змејова невеста”, Придружна Дама од „Магбет”, Маргарита од „Фауст” итн…
Исто така, Биљана настапува солистички и со оркестарот на Македонската Филхармонија во повеќе различни проекти, а е редовен гостин и на Камерниот оркестар на Битола. Биљана во својата уметничка дејност изведува и реквиеми, кантати, ораториум и симфонија, мотети, камерна музика… Одржува концерти на повеќе државни и интернационални фестивали и манифестации во Македонија и во други земји. Oваа уметница веќе неколку години снима студиска музика и соработува со продуценти и композитори од целиот свет.
Покрај домашните солисти на сцена настапува и со врвни странски уметници и диригенти од кои најпознати се: Даниела Десси (Италија), Џованна Казола (Италија), Маестро Џанлука Мартиненги (Италија), Маестро Енрико Довико (Италија), Маестро Јануш Пшибилски (Полска), Маестро Линус Лернер (Аризона), Маестро Валерио Гали (Италија), Маестро Виктор Бокман (Русија) итн…
Изведува и солистички концерти и рецитали низ државата, како и оперски претстави и настапи надвор од неа, во Италија, Романија, Швајцарија, Турција, Бугарија, Русија, Босна и Херцеговина, Србија итн…
Александра Лазаровска Василевски е родена на 21.10 1979 година во Скопје.
По завршувањето на средното музичко училиште се запишува на Факултетот за музичка уметност во Скопје, на отсекот соло пеење, во класата на проф.Марија Муратовска Наумовска.
За време на студиите го посетува семинарот по соло пеење во градот Алтенбург Германија, учесник е во студискиот проект на проф. д-р Димитрие Бужаровски во операта „Деспина и Мистер Докс“ каде ја толкува улогата на Пале. Учествува на бројни концерти и настапи во организација на Факултетот за музичка уметност.
Од 1999 година е хонорарно ангажирана во Националната опера и балет.
По дипломирањето во 2003 година, започнува да работи како оперски солист – носител на средни улоги и оттогаш па сѐ до денес, зема активно учество во репертоарот на Националната опера и балет.
Одиграни улоги: „Таен брак“ во улогата на Елисета, „Посета од старата дама“ во улогата на Фрау 2, „Лидија од Македонија“ во улогата на Агија, „Рита“ во улогата на Рита, „Волшебната флејта“ во улогата на Памина, „Аида“ во улогата на Големата свештеничка, „Италијанка од Алжир“ во улогата на Елвира, „Боеми“ во улогата на Мизета, „Џуџето“ во улогата на Втора собарка, „Старата дама и крадецот“ во улогата на Госпоѓа Пинкертон, „Војводката на Чардашот“ во улогата на Штази, „Орфеј и Евридика“ во улогата на Евридика, „Травијата“ во улогата на Флора и Анина, „Јованче и Марика“ во улогата на Гертруда, „Кармен“ во улогата на Фраскита, „Риголето“ во улогата на Џована, „Змејовата невеста“ во улогата на Рада и во улогата на Митана, „Мала волшебна флејта“ во улогата на Памина и во улогата на Папагена, „Апекарот“ во улогата на Грилета, „Црвенкапа“ во улогата на другарката на Црвенкапа, Мултимедијален проект Волшебникот од Оз (Дороти), „Марија Калас“ во улогата на Грахам, „Соништа и летови“ во улогата на Ѕвездата, „Тоска“во улогата на Овчарчето, Детската едукативна претстава „Операта на шумските животни“ во улогата на Мечката, Детската едукативна престава „Работилницата на Дедо Мраз“ во улогата на Ѕвончица.
Ивана Коцевска е балетски уметник, кореограф и магистер по балетска педагогија. Работи како истакнат солист во Националната опера и балет и како хонорарен соработник/асистент на Факултетот за музичка ументост.
Основно балетско и средно образование завршува во државното училиште „Илија Николовски – Луј“ во Скопје, Македонија во класата на Соња Здравкова Џепаровска. Од 2001 година е вработена во Националната Опера и Балет на РСМ и повеќе од 20 години е дел од овој ансамбл. Во 2002 година добила можност да биде дел од Националниот балет на Украина „Тарас Шевченко“ како стажист кај реномираниот педагог/репетитор Елеонора Михајловна Стебљак. Покрај ансамблови настапи, премиерно ја изведе улогата на Мирта во балетот „Жизел“. Изведува солистички и главни улоги во балетските претстави како што се „Оревокршачка“, „Лебедово езеро“, „Заспаната убавица“, „Дон Кихот“, „Наполи“, „Самсон и Далил“а, „Кармен“, „Жизел“, „Серенада“, „Концерто Бароко“, „Есмералда“, „Шехерезада“, „Кармина Бурана“, „Конзерваториум (Бурнвил)“, „Силфида“, „Силфиди“, „Агонија на срцето (Галили)“ и многу други.
Има работено како гостин- солист во Националниот балет на Словенија, во Љубљана и Маинфранкен театарот во Вурцбург, по покана на директорката на балетот. Како кореограф соработува со докажани и реномирани уметници од независната сцена. На покана на филмскиот режисер Вардан Тозија, кореографира и работи со статистите како режисер на движење, каде и самата учествува како статист, на неговиот последен филм со наслов „М“. Овој филм е добитник на повеќе награди на интернационални филмски фестивали.
Кореографии: „Гравитација“- соло изведба на фестивалот Локомотива, „Шпајз“-премиернa изведбa на малата сцена на НОБ, „Жени со мустаќи, мажи без бради“ (Шпајз со барокна фасада), наменски направено за фестивалот за
феминистичка култура „Прво па женско“, „Жени на работ на нервен слом“ за истоимениот фестивал.
Нејзината прва голема продукција „Метаморфоза“ премиерно беше изведена на 3 јули 2018 година, на главната сцена на НОБ со поддршка на Министерството за култура на Македонија, во продукција на Дирекцијата за култура и уметност, Скопје. Паралелно соработувала со фотографот Сашо Н.Алушевски, инспириран од делото на Коцевска, во реализацијата на серија фотографии изработени со колодиум техника. Процесот трае околу една година и се реализира изложба во Кино Култура насловена „Метаморфози“. Со оваа изложба добиваат покана за учество во Подгорица, Црна Гора. Оваа изложба е дел и од победничките проекти на фестивалот за аналогна фотографија „Ротлихт“ во 2022 година. Коцевска со изведба на фрагмент од претставата „Метаморфоза“ беше дел од свеченото отворање на фестивалот и беше поздравена со овации нејзината изведба. Претставата „Кинцуги“, во соработка со БТКРШ како продуценти, премиерно е изведена на реномираниот фестивал за електронска музика Десонанс, со подршка од Гете институтот. А во 2020та е изведена на Танц фест. Трио „Моментум“- изведба на гала концерт на националниот балет.
За време на пандемијата во 2020 година , подржана од Министерството за култура реализира соло перформанс насловен „Дијалози“ каде прв пат користи аудио технологија и гејмерски сензори, музика КРОНОМ и техничка подршка на Џеф К.Бланко, Белгија. Создава дијалог на тело и звук.
Во 2021 настапува на фестивалот ДЕНОВИ НА МАКЕДОНСКА МУЗИКА -ДММ со своето дело под наслов “Chance Dance “ – аудио танцов проект(дует) кој е во истражувачки процес. Користи аудио технологија и гејмерски кинект сензори кои се репрограмирани да ги детектирaат движењата на телото и притоа да произведуваат одреден звук, така телото на танчерот е инструмент преку кој танчерот „компонира“ музика. Во мај 2022 со овој проект гостува во ПОГОН, Загреб.
Во 2023 е дел од продукцијата на НОБ за балетскиот триптих „Молитви на моето тело“, по повод прослава 100-годишнината од раѓањето на Ацо Шопов. Коцевска го кореографира првиот дел насловен „Раѓање“.
Ана Дурловски е првенка на Националната опера и балет во Скопје, која оваа година прославува 25 години уметничка дејност. Таа, во континуитет остварува блескави успеси на европската и светска оперска сцена, восхитувајќи ги критичарите и публиката со својата совршена техника, интонативна прецизност и волуминозен и кристално јасен тембр.
На сцената на Македонската опера и балет, дебитира во 2000 година, во улогата на Лучија во операта „Лучија ди Ламермур“, по што настапува како
Адела во „Лилјакот“, Розина во „Севилскиот бербер“, Кралицата на ноќта во „Волшебната флејта“, Дона Ана во „Дон Џовани“, Џилда во „Риголето“ и тн. Во 2006 година добива покана да дебитира во Виенската државна опера како Кралицата на ноќта во „Волшебната флејта“, улога која потоа ја толкува и во оперските куќи во Минхен, Берлин и Загреб, како и на фестивалот во Баден Баден со Берлинската филхармонија под диригентство на Сер Сајмон Ратл.
Во 2015 година, токму со оваа улога дебитира и на сцената на Метрополитен операта во Њујорк. Од 2006 до 2011 година, Ана Дурловски е членка на Операта во Мајнц кадешто ги интерпретира улогите на Лучија во „Лучија ди Ламермур“, Софи во „Кавалер со роза“, Музета во „Боеми“ и Манон во „Манон“. Од 2009 година е постојана членка на оперскиот ансамбл при Државната опера во Штутгарт. Нејзината интерпретацијата на главната улога во продукцијата на операта „Месечарка“ во 2012 година добива блескави оцени од критиката и публиката, а настапува и како Моргана во „Алчина“, Фоли во „Платеја“, сестра Констанца во „Дијалози на сестрите Кармелиќанки“, Виолета во „Травијата“, Гиневра во „Ариоданте“, Норина во „Дон Пасквале“ и Елвира во „Пуританци“. Во Кралската опера во Мадрид, настапува како Розина во „Севилскиот бербер“ и Олимпија во „Хофманови приказни“. Настапила и во Државните опери во Минхен и Франкфурт, како и на престижниот фестивал на Вагнер во Бајрот.
Нејзините снимени материјали вклучуваат 5 ДВД остварувања и тоа: „Волшебна флејта“ од Фестивалот на езерото во Бергенц, како и онаа од Баден-Баден под диригентство на маестро Ратл, но и „Пуританци“, „Месечарка“ и „Беренике“ од операта во Штутгарт.
Ана Дурловски е добитничка на бројни награди и признанија, во земјата и во странство. Добитничка е на наградата „Маријана Радев“ за најдобро женско оперско остварување во Хрватска, за улогата на Кралицата на ноќта, како и на оперскиот оскар „Фауст“ за најдобра женска оперска улога остварена на германско говорно подрајче, за улогата на Амина во „Сонамбула“. Покрај тоа, добитничка е и на признанија од списанието „Opernglas“ за улогите на Амина и на Фоли.
Од 2015 година, Ана Дурловски е носителка и на највисокото државно признание титулата „Национален уметник на Р. Македонија“.
Taa e водечкиот оперски драмски сопран во Република Северна Македонија. Школувана е на Факултетот за музичка уметност во Скопје (во класата на проф. Милка Ефтимова) и на Факултетот за музичка уметност во Белград (во класата на проф. Радмила Бакочевиќ). Дебитира на сцената на Македонската опера и балет во 1996 година во улогата на Михаела во „Кармен“. Дебито на меѓународната сцена го реализира во 2001 година во Националната опера на Софија во комплексната улога на Елизабета во „Дон Карло“ од Верди. По овој успешен настап, следи операта „Тоска“ кадешто таа ќе ја има главната улога. Весна Ѓиновска-Илкова ужива богата домашна и меѓународна кариера, а досега настапувала во Данска, Хрватска, Словенија, Бугарија , во постановките на „Аида“, „Отело“, „Турандот“, „Мадам Батерфлај“, „Симон Боканегра“, „Атила“, „Моќта на судбината“, „Бал под маски“, „Лидија од Македонија“… Остварила и безброј концертни настапи и е добитничка на највисоките државни награди и признанија.
Родена е во Скопје каде што го завршува и своето музичко образование. Средно образование и Музичка академија завршила во класата на проф. Билјана Јакимовска. Своето доусовршување го продолжува под менторство на познатиот тенор и педагог Стојан Стојанов Ганчев во неговото оперско студио во Загреб. Настапувала на гала оперски концерти организирани од нејзината матична куќа низ целата државата, како и настапите на Охридско лето, Скопско лето, Есенски музички свечености, доделување на наградите “13 Ноември”, “Божиќен концерт” во Македонската филхармонија, како ин концерти и оперски настапи реализирани вон државата: Тирана-Албанија, Приштина-Косово, Вараждин, Дубровник -Хрватска.
Катерина Стојановска, родена во Скопје 1982 година. Дипломира на Факултетот за музичка уметност во Скопје во класата на проф. Марија Муратовска Наумовска. Во 2005 година дебитира во Македонската опера “Лидија од Македонија” од Ристо Аврамовски во улогата на Асија. Оттогаш станува редовен член и солист во Македонската Опера и Балет. Настапува на многубројни концерти и претстави во земјата и во странство а посебно место во нејзиниот репертоар зазема улогата на Милка, главниот лик во операта ,,Змејовата невеста” на Стојан Стојков, кој го толкува на праизведбата на ова национално оперско дело.
На нејзиниот репертоар исто така се улогите: Папагена во „Волшебна флејта“, Оскар во „Бал под маски“, Мизета во „Боеми“, Церлина во „Дон Џовани“, Фраскита во „Кармен“, „Кармина Бурана“, Црвенкапа во „Црвенкапа“, Марика во „Јованче и Марика“, Деспина во „Така прават сите“, Валансјен во „Веселата Вдовица“, Штази во „Војвотката на Чардашот“, Мајлс во „Свртување на штрафот“, Лола во „Кавалерија Рустикана“, Ана во „Набуко“, Главната свештеничка во „Аида“, Џанета во „Љубовен напиток“, Летиша во „Старата мома и крадецот“, Клоринда во „Пепелашка“, Амор во „Орфеј и Евридика“ Инес во „Трубадур“, Грофица Чепрано и Пажот во „Риголето“, Флора и Анина во „Травијата“, Овчарче во „Тоска“, Прва девојка во „Ил Табаро“, Втора пријателка во „Џуџето“.
Десанка Глигоријевиќ е родена во 1982 година во Скопје. – Во 2004 година дипломирала во класата на проф. Билјана Јакимовска-Јовановска на Факултетот за Музичка Уметност во Скопје. – Во 2006 година се здобила со титулата Магистар на науки при Музичката Академија „Панчо Владигеров“ во Софија, Р. Бугарија, во класата на проф. Мила Ѓулгерова. -Во 2024 година завршила магистарски студии по театарска режија во класата на Дејан Пројкоски на Универзитетот Еуропа Прима-Скопје. Во 2001 година хонорарно започнува да работи како хорист во Македонската опера и балет, од 2004 година е редовно вработена како солист – носител на средни и епизодни улоги и во континуитет, сѐ до денес, работи на истата област како солист, а од 2016 год ангажирана е како режисер и сценарист на детски претстави. Солистички улоги и концерти: За време на постдипломските студии дебитира на сцената на Македонската Опера и Балет во улогата на Рита од истоимената опера на Г.Доницети, учествува на многубројни Гала концерти организирани од страна на МОБ, настапува во современата опера „Свртувањето на шрафот“ од Б. Британ во улога на Маилс, „Волшебната флејта“ од В.А. Моцарт во улога на првото и второто момче, учество во Мултимедиалниот проект на Луиџи де Анџелис како една од трите главни сопрани со кој проект настапува во Скопје, Германија и Италија. Овчарчето – „Тоска”- Џ. Пучини, Паж – „Риголето”- Џ. Верди, Вештерката – „Јованче и Марика” – Е. Хумпердинк, Фраскита „Кармен” – Ж. Бизе, Јана – „Змејовата невеста”- С. Стојков, „Црвенкапа”- Цезар Кјуи. Солистички оперски придонес на хуманитарни концерти низ Македонија. Девет години е главен модератор/солист во проекти наменети за едукација на деца во областа на музиката со 5 различни циклуси – проекти на режисерката Урсула Хорнер. Меѓу позначајните солистички настапи и се: изведба на мотетот „Stabat Mater“ од Џ. Перголези и сoлист со Балканаската Филхармонија од В. Николовски.
Режисерски и мултимедијални проекти: – Две детски претстави: „Операта на шумските животни” и „Роденденот на принцезата Ева” во својство на режисер, сценарист и целосно осмислување на проектите наменети за Македонската опера и балет –Скопје со реализирани импозантен број на изведби.
До 2024 годинa, како самостојни проекти надвор од матичната куќа, има реализирано повеќе од 2000 изведби на 46 различни свои сценарија и режии, повеќе мулти-медијални проекти реализирани во соработка со еминентни и афирмирани уметници.
Договор за јавна набавка:
Договор за јавна набавка:
Тендерска документација:
Техничка спецификација транспорт на театарска опрема
Образец_за техничка_понуда за транспорт
Изјава за докажување на способноста транспорт на театарска опрема
Известување за склучен договор:
Известување за склучен договор за јавна набавка
Договор за јавна набавка:
Дурловски е роден во Битола, Македонија во 1977 година. Дипломира и магистрира на ФМУ во Скопје со највисоката оцена “Cum Laude”. Дебитира во Македонската опера и балет во 1999 и има учествувано во петнаесетина нови продукции. Неговата интернационална кариера започнува во 2001во „Wiener Kammeroper“ како „Nonacour“t во „Il cappello di Paglia di Firenze“, а следуваат улогите на „Pluto“ во „Ballo delle Ingrate“ и „Plutone“ во „Euridice“. Во сезоните 2009/2011 настапува во „Staatstheater Kassel“ во Германија каде остварува десет нови продукции. Во 2013 дебитира во „Oper Leipzig“ како „Groma/FeenKönig“ во вагнеровата опера „Die Feen“ а истата година е изведувана и на еден од најголемите светски фестивали во Бајројт. Во 2014 дебитира во „Landestheater Linz“ во Австрија со улогата на Зарастро а следната година во „Staatstheater Stuttgart“ со „Aniceto“ во операта „Berenike“. 2016 настап со улогата на „Timur“ во “Turandot” во Макао -Кина а следната година со „Aida“ во операта во Хонг Конг. Настапувал со белградска, софиска, македонска и московска филхармонија во дваесетина држави на повеќе континенти.
Дејан Стоев (тенор) е роден во Скопје, каде и дипломира соло пеење, а потоа и магистрира.
За време на студиите на ФМУ, настапува како солист во вокалната кантата „Катул и Кармина“ во насловната улога на Катул, на еден од најголемите фестивали во градот Ниш,Р. Србија и во операта „Деспина и Докс“ во улогата на Номче, заедно со покојниот Тоше Проески и останатиот дел од солистичката екипа и ансамблот на ФМУ, предводени од проф.Д Бужаровски во Виена, Австрија.
Има работено и со Никола Николов, еден од најголемите тенори во историјата на Република Бугарија од кого добива највисоки критики. Посетува и зема учество и на мастер класови и семинари по пеење.
На сцената на Македонска опера и балет дебитира во 1999 год. во улогата на Арлекин во операта „Палјачи“.
Вработен е како оперски солист во Македонска опера и балет официјално во 2004 год. каде работи и денес. Има одиграно преку четириесет ликови на матичната сцена и надвор од неа, на гостувања и многу концертни настапи.
Ова се само дел од улогите на Дејан Стоев: Гроф Алмавива во „Севилскиот бербер“, Бепе во „Рита“, Семпронио во „Аптекарот“, Лебед во „Кармина Бурана“, Гроф Бони во „Војвотката на Чардашот“, Алфред во „Љиљакот“, Понг во „Турандот“, Камиј де Росијон во „Веселата вдовица“, Арлекин во „Палјачи“, Абдало во „Набуко“, Гастон во „Травијата“, Горо во „Мадам Батерфлај“, а редовно настапува и на рецитали и бројни концерти за својата матична куќа.
Роден е 1988 година во Скопје. Дипломира на Факултетот за музичка уметност во Скопје, на отсекот по оркестарско диригирање во класата на професор Саша Николовски – Ѓумар. Дипломира во 2010 со концертот во чест на професор Коста Трпков. Магистрира а во 2012 година со операта „Рита” од Доницети.
Како диригент соработував со Македонската опера и балет, Факултетот за музичка уметност и со ДМБУЦ „ Илија Николовски – Луј”. Во 2009 година настапува заедно со Симон Трпчески како диригент на концертот за Норвешката амбасада. Во 2010 година ја добива и наградата Томислав Зографски како најдобар студент од отсеците диригирање, композиција и музичка теорија и педагогија.
Од 2014 е вработен во Македонската опера и балет како втор диригент.
Бисера Чадловска е родена во Скопје во 1978 година. Нижото музичко училиште „Илија Николовски – Луј“ во Скопје започнува да го посетува на 5 годишна возраст, когапочнува да изучува пијано. По завршувањето на нижото музичко училиште, се запишуваво средното музичко училиште на наставно-теоретскиот оддел. Во 1996 година гизапочнува студиите по оркестарско диригирање на Факултетот за музичка уметност воСкпоје, во класата на професорот Фимчо Муратовски. Во 2001 година дипломира наотсекот по оркестарско диригирање со концерт со Македонската филхармонија. Пост-дипломските студии одлучува да ги продолжи во Софија, на Државната музичкаакадемија „Панчо Владигеров“, во класата на професор Пламен Џуров. Магистрира со највисоки оценки.
По завршувањето на образованието, почнува да работи како хор-мајстор во Македонската опера и балет. Како талентиран млад диригент, набргу започнува даработи и како асистент-диригент и понатаму диригент на голем дел од оперските ибалетски претстави на репертоарот на МОБ. Од 2017 до 2020 година ја извршува функцијата уметнички раководител на Операта при Националната опера и балет. Оваа година, таа одбележува 20 годишен
јубилеј како прв диригент во Националната опера и балет. Од мај 2022 година е именувана за музички селектор на фестивалот „Охридско лето“. Во јуни 2022 год.избрана е за доцент на Факултетот за музичка уметност, каде веќе 6 години, каконадворешен стручен соработник, го води предметот Вокално студио. Добитник е на наградите: „Георги Божиков“, за континуирана изведба на дела од македонски композитори во 2015 година, Музичко-сценски уметник на годината во 2015 година и наградата “13 Ноември“ од областа на уметноста во 2019 година, која ја доделува град Скопје. Оперскиот и балетски репертоар на диригентката Бисера Чадловска е разноврсен и брои огромен број на наслови. Сите тие се изведени нa сцената на нејзината матична куќа, Националната опера и балет. Оваа година, Чадловска одбележа 20 годишен јубилеј како прв диригент во Националната опера и балет.
Христина Наќевска е родена на 12.1.1996 година во Скопје, Република Македонија.
Своето балетско образование го започнува на деветгодишна возраст во ДМБУЦ-„Илија Николовски Луј” во класата на проф. Анастасија Калиманоска, подоцна во класата на проф. Слаѓана Спасеновска.
Во 2010 година се запишала во средното државно балетско училиште во класата на проф. Сања Шутевска.
На концертите на балетското училиште учествува со варијации, а подоцна и падеде од класичниот балетски репертоар: „Оревокршачка”, „Лебедово езеро” и „Пахита”. Во меѓувреме, учествувала и на балетски натпревари. Додека е во средното балетско училиште активно учествува и во репертоарот на Националната опера и балет.
Во 2014 година матурирала во класата на проф. Сања Шутевска и станала редовен член на балетскиот ансамбл при Националната опера и балет.
По завршувањето на средното балетско училиште истата година, се запишала на „Факултетот за музичка уметност“ – Скопје при Универзитетот „Св. Кирил и Методиј“ во Скопје на катедрата за балетска педагогија – класичен балет. Дипломирала во класата на проф. Тања Вујисиќ Тодоровска во 2018 година и се стекнала со диплома – балетски педагог.
Во 2019 година станува солист на балетот при Националната опера и балет и активно ги игра сите соло улоги од репертоарот: „Лебедово езеро” (па де троа) „Жизел” (селско па де де), „Рајмонда”, „Есмералда” (Fleur de Lys), „Дон Кихот” (Китри и Цвеќарки), „Оревокршачка” (Клара), „Заспаната убавица” (принцеза Аврора и Сина птица па де де,), „Ана Каренина” (Кити), „Дамата со камелии”, „Кармен”, „Валпургиска Ноќ”, „Шехерезада”, „Кармина Бурана” (Оган), „Самсон и Далила”, „Либертанго”, „Клеопатра”, „Снежана и седумте џуџиња” (Снежана), „Петар Пан” (Ѕвончица, Венди), „Доктор Офболи”, „Ла Ла Ла”, „Госпоѓиците од Авињон” (Франсоаз Жило), „Пепелашка” (Пепелашка), „Болеро”, „Сага”, „Молитви на моето тело”…
Освен на матичната сцена, настапувала и на сцени низ Македонија и во повеќе меѓународни престижни театри: Талин (Естонија), Торино и Вербаниа (Италија), Белград (Србија), Софија, Пловдив, Варна (Бугарија).
Покрај во балетските претстави, учествувала и во оперските претстави како: „Евгениј Онегин“, „Аида“, „Травијата“, „Адријана Лекуврер“, „Турандот“ и други.
Мирослав Митрашиновиќ е роден во Скопје , Македонија (18.02.1991), а своето основно балетско образование го стекнал во ДМБУЦ „Илија Николовски – Луј” – Скопје, каде го продолжува и средното образование, во класата на на професорите Душка Градишки Иванова, Киро Павлов и Горан Божинов. По завршувањето на средното балетско училиште, во 2008 година, станува редовен член на балетскиот ансамбл при МОБ. Активно учествува во сите балетски и оперски претстави од репертоарот на МОБ, а изведува и неколку солистички улоги.
Во 2019 година станува солист на балетот. Исто така, учествува и во голем дел од меѓународните гостувања на МОБ.
Во 2013/14 година се запишува на „Факултетот за музички уметности“, при Универзитетот „Св. Кирил и Методиј“, на катедрата за балетска педагогија – класичен балет, во класата на проф. Тања Вујисиќ Тодоровска. По дипломирањето, се стекнува со диплома за педагог на класичен балет.
Репертоар на балетски претстави:
„Лебедово езеро“, „Жизел„, „Рајмонда“, „Заспаната убавица“ – 4 кавалери, „Пепелашка“ – принцот“, „Црвенкапа и Волкот“, „Дон Кихот“, „Оревокршачка“ – Мавр, Арлекин, Шпански танц и па де троа, „Есмералда“ – Кралеви и Клод Фроло, „Дамата со камелии“ – 4 кавалери и Татко, „Ана Каренина“ – Стива и љубовниците; „Силфида“, „Корсар“ – Гранд Па, „Ромео и Јулија“; „Бурнонвил“ – Конзерваториум и Прозорeц; „Самсон и Далила“ – трио и Церемонијал мајстор; „Александар Македонски“ – четворка, „Кармен“ – Ескамиљо, „Валпургиска ноќ“; „Кармина Бурана“ – Земја, „Клеопатра“ – Апoлодор; „Либертанго“, „Триптих“ – Агонија на срцето и Софа; „Огнени градини“ – Аламбра, „Волшебна љубов“ – Хозе; „Шехерезада“, „Снежана и 7 џуџиња“ – Принцот, „Петар Пан“ – Џон, „Др. Офболи“, „Врати“, „Дива љубов“, „Изгубена верба“; „Филм“, „14 Часа“, „Црвената соба“, „Ла Ла Ла“, „Пепелашка“ – Принцот, „Сага“, „Молитви на моето тело“
Репертоар на оперски претстави:
„Аида“, „Травијата“, „Кармен“, „Турандот“, „Набуко“, „Мадам Батерфлај“
„Бал под маски“, „Аријадна Лекуврер“, „Орфеј и Евридика“, „Евгениј Онегин“, „Змејоваta невеста“, „Атила“, „Волшебната флејта“, „Риголето“.
Учество во драмски претстави и мјузикли при МНТ:
„Чикаго“, „Мама Миа“, „Три сестри од Чехов“, „Ромео и Јулија“, „Само глас“, „Тајно моја“.
Зејнепа Димковска, родена на 12 октомври 1974 година, во Скопје, го стекнала своето средно балетско образование во МБУЦ „Илија Николовски-Луј“.
Факултетското образование го завршила на Универзитетот „Св. Кирил и Методиј“ во Скопје, на Факултетот за музичка уметност (ФМУ), на отсекот за балетска педагогија со фокус на класичен балет.
Од 1993 година е дел од балетските претстави (официјално вработена од 1996 година).
Солистички статус стекнува во 2000 година.
Избрани солистички улоги:
– „Корсар“ – ,,Grand Pas”– прва варијација;
– „Танцот на кадетите“ – натпреварувачка;
– „Лебедово езеро“ – ,,Pas de trois”, три лебеди;
– „Оревокршачка“ – две девојки во првиот чин, соло девојка во вториот чин во ,Розев валс” и две соло девојки во ,Розев валс”, подоцна и во улога на мајка во првиот чин;
– „Дон Кихот“ – во улогата ,,Цвеќарки”;
– „Ана Каренина“ – прва варијација;
– „Жизел“ – двете вили во II чин,подоцна и во драмската улога ,,Бароница”;
– „Шехерезада“ – Одалиски;
– „Снежана и седумте џуџиња“ – Кралицата;
– „Доктор Офболи“ – во улога на лисицата и др.
Реализирала повеќе гостувања во организација на Националната опера и балет (НОБ): Тајван, Чешка, Турција, Бугарија, Србија, Хрватска, Италија, Франција.
Кисилев Јан Владимирович е роден во 1982 година во СССР.
Во 2000 година дипломирал на Државната кореографска академија во Перм, Русија, во класата на В.В.Сидорова и А.Ф.Санина.
Откако дипломира, се вработува во Балетот на Јуриј Григорович како балетски солист.
Истовремено, решава да го прошири своето образование, па од 2000 до 2003 година студира на Државниот универзитет за култура во Краснодар, каде што дипломира како педагог по класичен танц.
Неговата кариера опфаќа бројни значајни моменти, вклучувајќи учество во меѓународниот проект од 16 претстави изведени во познатиот Мариински театар во Санкт Петербург.
Од 2003 до 2004 година бил ангажиран во Дрезден, Германија, а потоа, од 2004 до 2005, поминал една сезона во Националната опера и балет во Софија, Бугарија. Во 2005 година се сели во Република Северна Македонија, каде што редовно е вработен во Националната опера и балет во Скопје, каде што и денес работи.
За време на својата богата кариера, Јан Кисилев Владимирович толкувал многу истакнати улоги од класичниот балетски репертоар:
„Оревокршачка“ (Мавар, Арлекин, Дросермајер, Глувци, Војници, Руска игра, Па – Де- Труа, Кинеска игра), „Лебедово езеро“ (Па-Де-Труа, Пајачо-Шут, Мазурка, Шпанска игра), „Жизел“ (Селско Па-Де-Де), „Ромео и Јулија“ (Бенволејо, Мекуцио),„Есмералда“ (Квазимодо, Кралеви), „Кoрсар“ (Бербанто), „Раимонда“ (Двојка соло, Сарацини, Гранд-па, Четери Кавалери варијација), „Бајадера“ (соло индиски танц, златен роб и соло сарацини).
Јан, исто така, активно учествувал на бројни гала концерти, а соработувал со балетски менаџери од целиот свет и имал турнеи во Франција, Италија, Португалија, Чешка, Словачка, Шпанија, Хрватска, Србија, САД, Германија, Австрија и Шведска.
Наташа Јосифовска е родена во Скопје, а балетското образование го започнува на шестгодишна возраст во Сплит, Хрватска. Своето школување го продолжува во МБУЦ „Илија Николовски – Луј” во Скопје, во класата на проф. Ѓурѓица Јовановска. На 17 години ангажирана е во Балетот на Македонската опера и балет.
До 2002 година е солистка на Балетот при Македонската опера и балет, а во 2003 година станува истакната солистка. Од сезоната 2021/2022 година е ангажирана и како педагог/репетитор во Македонската опера и балет. Со МОБ остварила бројни гостувања во земјата и странство.
Наташа Јосифовска остварила значајни улоги, а некои од најистакнатите се:
– Pas de trois, Големи лебеди, Наполитанска невеста во „Лебедово езеро“;
– Улична танчерка, Повелителка, Цвеќарки, 1. варијација; Мерцедес во „Дон Кихот“;
– Мирта – кралица на Вилиси , две Вилиси, пријателки на Жизел во „Жизел“;
– Ѓулнар во „Корсар“;
– Саби во „Ташула“ (В. Лагунов);
– Бетси во „Ана Каренина“ (Л. Мујиќ);
– Градините на Алхамбра во „Огнени градини“ (Џ. Амар);
– Бела дама, двојки девојки во „Рајмонда“;
– Снегулка соло, Розов валс(соло) во „Оревокршачка“;
– Снежана во „Снежана и седумте џуџиња“;
– Вила, Пепелашка во „Заспаната убавица“;
– Fleur de Lys, 2. варијација во „Есмералда“;
– Олимпија во „Александар“ (Р. Савковиќ);
– Pas de quatre – Fanny Cerito (Perrot/Pugni);
– Црна Роза; Ета во „Танго“;
– Карменсита Калдерон во „Либертанго“;
– Пријателки во балетот „Македонска повест“;
– Девојка во балетот „Песна над песните“ (С. Зуровац);
– Пар во бело; Песна на земјата во дует во балетот „Песни за љубовта и смртта“ (М. Шпаренблек);
– Соло Силфида во „Ла Силфида“;
– Лисица во „Др.Офболи“;
– Пар борба во „Силјан повторно лета“ (Ј. Сланева);
– Констанца Вебер во „Златно перо“ (Д. Градишки);
– Пар – а – бол; Четири годишни времиња; Пастели (И. Шукарова)
– Акумулации (С. Гру);
– Девојка во „Врати“ (О. Панго);
– Девојка во „14 часа“ (И. Киров);
– Заспаните убавици (С. Евтимова);
Франциско Хозе Гименез Руиз е балетски играч солист роден во 1996 година во Алмерија, Шпанија. Неговата заинтересираност за танцот се развила од рана четири годишна возраст.
Својата танцова авантура ја започнал во малата танцова школа во соседството. На 8 години се запишал во професионалниот конзерваториум за танц „Кина Хименез“, каде што ја открил својата страст кон балетот и каде што ги изучувал основните и професионалните танци, вклучувајќи го шпанскиот танц (основно ниво) и современиот танц (средно ниво).
Со навршени 18 години се преселил во Мадрид за да ги заврши студиите по визуелни уметности и танц во Универзитетскиот институт за танц „Алисија Алонсо“,
кој е поврзан со Универзитетот „Реј Хуан Карлос“, каде што дипломирал со највисоки оценки.
За време на овој четиригодишен период, имал можност да учи од големи кубански и шпански мајстори. Паралелно, започнал да настапува во своите први главни и солистички улоги, стекнувајќи големо сценско искуство.
По овој период, ја започнал својата професионална кариера, а првата опера во која работел била Државната опера во Варна (Бугарија).
Таму изведувал голем број улоги како балетски играч солист. За време на овој период, имал можност да учествува во две турнеи низ Обединетото Кралство,
првата во сезоната 2018-2019, а втората во сезоната 2019-2020, со Рускиот државен балет од Сибир, каде што исто така бил балетски играч солист.
Од 2022, тој е член на Националната опера и балет во Скопје, каде што продолжува да ја развива својата професионална кариера.
Репертоарски улоги: „Лебедово езеро (принцот Зигфрид)“, „Oревокршачка (принц)“, „Заспаната убавица (Принцот Дезире и принцот на Пепелашка)“, „Жизел (Алберт)“, „Дон Кихот“, „Есмералда“, „Пепелашка“, „Рајмонда“, „Дамата со камелии“, „Силфида“ и др.
Гала настани и турнеи: UNESCO International Gala (Шангај), International Dance Day Gala (Сан Себастијан), 35o Mundial Congress of ITI Gala (Сеговија), Internationl Dance Day Gala (Сан Себастијан) итн.
Васил Чичиашвили е роден во Ахмета, Грузија. Своето балетско образование го стекнал на државното кореографско училиште Вахтанхг Чабукиани во Тбилиси, Грузија.
Од 1993 до 1997 година бил првенец во Опера и Балет Тбилиси, Грузија;
Од 1997 до 2002 година бил првенец во Опера и Балет Мерсин, Турција;
Од 2002 до 2007 година станува првенец во Македонската Опера и Балет;
Од 2007 до 2012 година бил првенец во Опера и Балет Тбилиси, Грузија;
Од 2012 година е првенец во Македонската Опера и Балет;
Имал бројни улоги кои ги вклучуваат:
– Алберт во „Жизел“;
– Басил во „Дон Кихот“;
– Принц Зигфрид и Родбарт во „Лебедово езеро“;
– Ромео во „Ромео и Јулија“;
– Фрондосо во „Лауренсија“;
– Жан де Бриен; Абдурахман во „Рајмонда“;
– Принц во „Оревокршачка“;
– Конрад; Али во „Корсар“;
– Солор во „Бајадерка“;
– Принц Десире во „Заспаната убавица“;
– Феб; Клод Фроло во „Есмералда“;
– Арманд во „Маргарита“ и Арманд (Ф. Ештон)
– Арман во „Дамата со камелии“;
– Златен роб во „Шехерезада“;
– Самсон во „Самсон и Далила“ (Р. Савковиќ);
– Порги во „Порги и Бес“ (М. Лавровски / Н. Магалашвили);
– Горда во „Горда“;
– Каренин во „Ана Каренина“ (Л. Мујиќ)
– Александар во „Александар“ (Р. Савковиќ)
– Тар во „Танго“ (С. Ивелинов)
– Либертанго
– Чаконе (Џ. Баланчин)
– Серенада (Џ. Баланчин)
– Western Symphony(Џ. Баланчин)
– Моцартиана (Џ. Баланчин)
– Бугаку (Џ. Баланчин)
– Лела (А. Ратмански)
– Сагалобели (Ј. Посохов)
– Stepping Stones (Ј. Килијан)
– Ташула (В. Логунов)
Со балетот на Грузија гостувал на бројни познати фестивали и интернационални сцени.
На покана на Шведскиот кралски балетски солист (принц Зигфрид) на турнеата во Р. Кина настапувал во балетот „Лебедово езеро“.
Носител е на наградата Орден на достоинство на Грузија.
Марија Кичевска Шокаровска е примабалерина на Националната опера и балет, која во текот на својата 25 годишна кариера, се профилира како високо квалитетен играч, со забележителни настапи на домашната и меѓународната сцена.
Родена е во Скопје, Република Македонија, каде го оформува и своето балетско образование – од основното, во ДМБУЦ „Илија Николовски-Луј“, па сѐ до постдипломските студии на Факултетот за музичка уметност, при УКИМ. Во рамките на средното образование, четири месеци престојува во балетската школа на Париската Опера.
Во 1999 година се вработува во Балетот при Македонскиот народен театар, каде во моментов ја извршува функцијата Уметнички раководител на Балетот. Покрај ангажманите во својата матичка куќа, Марија Кичевска Шокаровска уметничката дејност ја реализира и на меѓународниот балетски подиум, потпишувајќи повеќегодишни договори со две престижни балетски куќи – во периодот 2002-2007 година работи во Националниот театар во Визбаден (Германија), а во периодот 2007-2010 година работи во Виенската опера (Австрија), настапувајќи при тоа во повеќе први и втори улоги. Покрај тоа, има одиграно главни улоги и на сцените на повеќе престижни национални театри ширум светот, како Театарот Сан Карло во Неапол, Арената во Верона (Италија), Националниот балет во Кишињев (Молдавија), Државната опера во Варна (Бугарија), Државната опера во Пловдив (Бугарија) и тн., настапувајќи со светски познатите балетски имиња Џузепе Пиконе, Данил Симкин, Давиде Дато, Роберт Тусли, Денис Черевичко, Иван Василиев, Дину Тамазлакару и други.
Марија Кичевска Шокаровска, реализира и повеќе турнеи низ Европа и светот – во Шпанија, Италија, Јапонија, Тајван, Мексико и тн.
Во текот на својата плодна кариера, има одиграно повеќе од 1000 претстави, со особен успех и изразито сугестивни перформанси толкувајќи над 20 први и многубројни втори улоги. Помеѓу другите, на нејзиниот репертоар се наоѓаат најзначајните главни улоги од балетската литература, како Одета и Одилија во „Лебедово езеро“, Аурора во „Заспаната убавица“, Китри во „Дон Кихот“, Маргарита во „Дамата со камелии“, Клара во „Оревокршачка“, Сињорита во „Прозорецот“, Ваханалија во „Валпургиска ноќ“, Медора во „Корсар“, како и насловните улоги во балетите „Жизел“, „Рајмонда“ „Есмералда“, „Силфида“, „Пепелашка“, „Ана Каренина“ и тн. По повод одбележувањето на 25 годишнината од нејзината уметничка дејност, ќе го толкува ликот на Госпоѓа Бовари во македонската премиера на истоимениот балет.
Маестрално изработените креации на Кичевска Шокаровска се карактеризираат со префинетост во изразот, совршена техничка подготвеност, суптилна грациозност и елеганција во движењата, предизвикувајќи секогаш воодушевување кај публиката, но и кај стручната критика.
Во 2006 година, таа го добива бронзениот медал на Интернационалниот балетски натпревар во Варна (Бугарија) и наградата за заслуги „Robert Jоffrey Award of Merit“, на Интернационалниот балетски натпревар во Џексон, Мисисипи (САД). Добитник е и на наградата „26 јули“, која во 2015 година, ѝ ја доделува Универзитетот „Св. Кирил и Методиј“, како најдобар студент на генерацијата.
Билјана Басмаџиева Ковачевски е родена на 16.8.1984 год. во Скопје, Р. Македонија. На деветгодишна возраст се запишува во приватно балетско училиште за модерен и џез балет, по што на единаесет годишна возраст се запишува во државното нижо балетско училиште „Илија Николовски – Луј“ во класата на Слаѓана Спасеновска. Веќе во втората година ги играше главните улоги во едночинките „Одблесок“ и „Учи ме мајко карај ме“ во кореографија Олга Милосавлева.. Со овие балети постигна големи успеси и надвор од државата и тоа во Бугарија,Турција, Грција, Белорусија, Романија, Србија и Италија.
Во 1999 год. се запишува во средното државно балетско училиште исто така во класата на проф. Слаѓана Спасеновска, класичен балет, класични подршки кај проф. Антон Баталаков, карактерни и историски игри кај проф. Соња Здравковска-Џепаровска, модерен и џез балет кај Гордана Деан – ПопХристова и Душка Градишки, фолклорни танци кај проф. Владо Јаневски, методика на класичен балет кај проф. Елисавета Кушовска итн..
Паралелно со училиштето, редовно учествуваше во редовниот репертоар при Македонската Опера и Балет. Ги играше главните улоги на сите концерти кои се организираа од страна на балетскоит оддел при М.Б.У.Ц „Илија Николоски-Луј“. Во 2000 год. играше па де де Сина Птица каде и партнираше Калојан Бојаџиев, истакнат солист од Р. Бугарија, а во 2002 год. Седми Валс и Прелудиум во „Шопенијана“ каде репетициите и ги држеше, освен нејзината професорка Слаѓана Спасеновска, и еминентниот професор Елисавета Кушовска.
Веќe 18 години активно работи во Македонската Опера и Балет и има изиграно над 450 претстави, во кои игра втори улоги и епизодни соло улоги во целиот железен реперотар односно во претставите „Лебедово Езеро“, „Рајмонда“, „Оревокршачка“, „Корсар“, „Есмералда”, „Ромео и Јулија“, „Дон Кихот“, „Жизел“, „Силфида“, „Заспаната Убавица“, „Шехерезада“, „Наполи“, „Кармина Бурана”, „Дамата со камелии’’, „Ла Вентана’’, како и во детските претстави „Доктор Офболи“, Ѕвончица во „Петар Пан“ како и главните улоги Снежана во „Снежана и седумте џуџиња“ и Пепелашка во истоимената претстава.
Учествува во сите модрени и неокласични претстави како „Јас Исидора“, „Дива Љубов“, „Помеѓу овде и сега“, „Андерграунд“, „Танго“, „Кармина Бурана“, „Кармен“, „Самсон и Далила“, „Прегратка“, „Реквием“, „Филм“,
„Изгубена Верба“, „Фероче Партита“, „Индиго Квартет“, „Александар Македонски“ „Клеопатра“, „Огнени Градини“, „Дракула“, „Песна над песните“, „Далечен Плач“, „Заспаните убавици”, „Европа сега, Европа без граници“, „Ромео и Јулија”, „Балетски триптих“, „14 Часа“, „Црвената Соба“, „Либертанго“, „Ана Каренина“, „Ин перпетум“ каде го покажува својот селзибилитет и чуство за модерниот балет.
Учествува во целиот останат репероар во ансамблот при МОБ како и во сите меѓународни гостувања на балетот во Рим, Париз, Виена, Москва, Њу Јорк, Прага, Белград, Загреб, Ротердам, Милано, Кан и многу други.